موضوع: درس عمل جدول محاسبي في برنامج الاكسل .. درس مهم الإثنين 29 نوفمبر 2010, 5:47 pm
بسم الله الرحمن الرحيم
من دون شك ان برامج الاوفس من اهم البرامج التي يجب على الشاب اتقانها في حال رغبته بالعمل باي شركة او عمل تجاري محترم لان هذه البرامج تعتبر اساس اي عمل حسابي او اداري لهذا قررت عمل درس بسيط يوضح كيفية عمل جدول حسابي سريع ومهم في برنامج الاكسل يختصر الوقت على الموظف في ترتيب حساباته ويمكنه اعتماده كجدول واردات وصادرات وموجودات رسمي وموثوق ان شاء الله
نبدأ على بركة الله
ملاحظة مهمه ( لم اجد قسم مناسب لهذا الموضوع لهذا ادرجته في قسم الاكسس نظرا لوجه الشبه والترابط بين البرنامجين الاكسس والاكسل )
اول شي نفتح ورقة عمل جديدة في الاكسل ونبدي الشرح بالصور..
الصورة اعلاه توضح كيف اننا حددنا الجدول الي نريده وطبعا التحديد حسب متطلباتك يعني انا مثلا الجدول الي اشتغل عليه بالعمل يتكون من 8 الى 9 اعمدة لكن في جدولنه اليوم راح نسوي اربع اعمدة ( الصورة الاولى توضح ثلاثه فقط لكن بعدين زيدتها واحد بالصور البقية فلا تدوخون )
الشرح واضح بالصورة الاولى يعني حددنا الخلايا بعدين خلينه الها حدود وطبعا الحدود على مزاجكم وتكدرون تسوون جدول من دون حدود يعني ما ياثر لكن اضبط شي هو هذا التصنيف طبعا وره ما نكمل ونحدد نملي الجدول على ما نريد يعني نصنفه حسب الحاجة الي نرتئيها وهذا الجدول البسيط الي سويته بتصنيف سهل حتى تستوعبونه
اعلاه جدول حسابي مليته للشرح فقط لا غير وهو بي اسم المادة وبيه المصاريف وبيه الواردات يعني جدول حسابي دائن ومدين تقريبا المطلوب هو ان نخلي الجدول يحسب تلقائي يعني اي شي نضيفه على المصاريف ينجمع تلقائيا واي شي نضيفه على الواردات ايضا ينجمع تلقائيا ونسوي خليه للميزانيه حتى نعرف الدخل ان كان عجز او ربح يعني خليه تطرح المصروف من الوارد وطبعا ايضا بشكل تلقائي
تابع الصورة التالية
هذه الصورة تم اعادة تحجيمها . الحجم الافتراضي لها هو 933x402.
خلي اسولفلكم شويه عن هاي الصورة حتى لا تكون صعبه اول شي لازم نعرف يا عمود نريد يدخل بعملية التصفيه وهنا بهذا المثال اختارينه المشتريات والي هي بمثابة مصروف والمقبوضات والي هي بمثابة وارد يعني داخل وطالع.. طبعا نشتغل بالبدايه كل عمود وحده وبدينه بالمشتريات ظللنه الخلايا المندرجة بعمود المشتريات ونبدي التظليل من الخليه الاولى الي تحوي اول رقم الى الخلية الي نريد يدخل ناتج الجمع بيها وهنا سميتها الخليه الاخيرة ....... بعد ما نقوم بسحب التظليل على الخلايا نروح على اداة الجمع التلقائي والي ماشر عليها بالدائرة الحمرة.... طبعا لازم التظليل موجود واخر خليه مظلله هي الخلية الي نريد الجمع بيها .... وره ما ندوس على الجمع التلقائي راح نشوف الناتج طلع بالخلية الاخيرة وهو ناتج الخلايا المظلله وفي حال حذف اي رقم من الخلايا المظلله راح يتغير المجموع تلقائي واذا ظللنه ضمن التحديد خلايا فارغه فايضا راح تكون منشطة يعني اي تغيير فيها راح ياثر على قيمة المجموع ....
طبعا نفس الحركة نسويها على عمود المقبوضات حتى نطلع مجموع قيمه الخاصه
دلواقتى نيجي الى الفقرة الاخيرة في جدولنا البسيط وهو عمل خلية تصفيه للمصروفات والمقبوضات اي خلية موازنه
الصورة اعلاه مشروحه وكامله وهي ختامية هذا الجدول البسيط واسف على الاختصار الشديد بس الوقت ضيق والجدول ما ردت اعقده واي استفسار انا حاظر
الموضوع الأصلي : 
